[奇幻][少甜]主角化作我替身

現有會員可[按此]登入。
[公司模式-關] [懷舊模式-開] [大字型] [小字型]

您現在聚腳在講故台內。

誹謗與言論自由

近日因誹謗的問題令不少人感到困惑，不少會員甚至「以身試法」的方式去表達不滿。在此我們希望大家了解什麼情況下有機會造成誹謗，免得部份覺得「不合理」的會員再發表相關誹謗言論。

在此我們不打算評論相關法例的合理性，我們亦不是法律專家，只能就我們親身經歷的案件來解釋。

1.當有人公開對某人作出刑事的指責，而對方並未被定罪，這已算是誹謗。2.我們亦從法官口中得知，只要「一般人」看得明白，不論是諧音、嵌字詩、還是分開發表幾個帖再合併，也同屬誹謗。3.當會員轉載來自報章或其他網站的資料，只要其內容涉及誹謗，即是轉載也是等同誹謗。根據以上三點就可說明為何一些大家以為沒問題的，例如「我只是引用某某報」、「我只說數量」等帖子會被刪除。 ......

more...

» 高登主頁 » 講故台

跳至第頁

發起人

[奇幻][少甜]主角化作我替身

Kobaina

個故名唔好,依家再作個,並再作多次

1.
　　我叫阿權，十九歲，毒向左走向右走一名，中等身高加瘦底，讀完中五出左去做野。日抖就做文員仔，夜晚就落七仔做下收銀。相信好多人都係同我一樣咁既生活。直到呢一晚．．．我既世界唔同晒！

　　呢晚要講返起三日前，果日我同樣都係日抖做完份文員收工，去左MK某間七仔做秘撈，收工就凌晨三點幾。做完野成身散晒就緊係想即刻返屋企沖個靚涼，然後大覺訓架啦。而返屋企既方法．．．就係出街口搭巴士返去。點知，一出街口，竟然見到個女仔，都幾PURE幾TURE，約莫十幾歲度啦，比幾個彪型大漢圍住喎。我心諗你呢啲老牌MK，我就毒向左走向右走一件，強出頭盞搞到自己Hi Hi架咋喎。咁既話我都係走先啦。

　　點知我越睇越發覺唔對路，個女仔好似就黎比人拉入後巷．．．雖然我只係一個毒向左走向右走，但見到呢種情況，我忍唔到啦！於是我睥左果幾條大漢一下。點知就係咁樣睥一睥，果幾個大漢已經發現左我呢一個毒向左走向右走仔。

分享至 facebook

標籤：

12/7/2012 19:43

本貼文共有 57 個回應。

Google 提供的廣告

Kobaina

點樣,主角威能又話大陸term,改完名無人 :-(

12/7/2012 19:49

茲伏奇大吾

無啦?

12/7/2012 19:51

Kobaina

仲有

依家post

　　「Hi 你睥乜向左走向右走野呀？」其中一個大漢即刻衝埋黎鬧我。認真我真係好驚，第一，我真係好毒；第二，我唔鍾意惹呢到啲黑道中人；第三，其實條女係咩人我都唔知，話唔定做雞比大佬玩下，跟住唔知因乜事先發下脾氣啫。但係我再望多個女仔一眼，佢個眼神話比我聽，佢真係好驚，好想走果款。唉，我又點救到你，我自身都難保，又唔叫高，仲要又孱又瘦。不過身為一個男人，點樣驚都好．．．我都要企出黎！

　　「即刻放．．．放左個女仔！」我口疾疾咁對住班大漢講。點知佢地一啲反應都無，繼續夾個女仔入去後巷深處。情急之下，我竟然做左個喺呢個moment最傻的嗎既決定，就係大嗌報警．．．班大漢聽到之後，終於有反應，不過我就瀨野。「你講咩報警呀？未死過呀o靚仔？」其中一個大漢扯晒火咁同我講。另外兩個大漢即刻衝埋黎打我，淨返果個就繼續捉住個女仔唔比佢走。佢地兩個係咁打，我只能夠係咁講「唔好打面。」，可以話霸氣盡失。

　　有無打面我就唔知喇，因為果兩個大漢根本無理過我，只係不停咁對我拳打腳踢。慢慢咁我既意識越黎越模糊，我好想訓，好想合埋眼。就喺迷迷糊糊之中，我聽到把聲喺度叫我。「阿權、阿權」果把聲竟然知我係邊個？唔係呀．．．於是我即刻問佢係邊個啦，點知佢又唔答喎。咪住先，我會唔會就咁死左架？我比班大漢打中神智不清，仲聽到把怪聲．．．唔通，我呢個毒向左走向右走既人生就咁玩完？唔好呀！

12/7/2012 19:55

Kobaina

要打啲字先開到段

　　「阿權，你望清啲我個樣。」把聲音咁樣同我講。我心諗你得把聲，我點樣睇你個樣．．．咦，又唔係喎，呢次真係有樣喎，呀，佢係邊個呢？好熟面口呀，係喇，佢咪係果個魯魯修？乜佢唔係動畫入面啲主角黎架咋咩？點解我會咁實在去見到佢既，究竟發生咩事？「阿權，你係咪唔想做毒向左走向右走呀？」魯魯修咁問到啦喎，我就緊係話係架啦。然後，佢答左一聲「明白」，之後就衝左入去我身體裏面。霎時間我發覺自己個身體好馨烚烚，仲恢復埋意識，個身好似仲唔痛啦喎。

　　我見到果幾個大漢已經無打我，但已經埋左去個女仔身邊，準備郁手。佢地除走女仔件外套，隻手開始對個女仔唔正經．．．喺呢個時候，我知自己唔可以再退架啦，再退既話我就會間接毀左個女仔既一生。係喇，岩岩果個咩魯魯修咪衝左入去我個身體度，唔通我真係會好似佢咁犀利？好，一於試下。我望住果四個大漢隻眼，怒睥住佢地。「吓？乜又係你呀？你係咪仲未打夠呀？」其中一個大漢即刻出黎鬧我。不過我依家就唔驚架啦，因為我信佢！「你地幾個即刻同我走！」我講完之後，個身唔熱，但係就不停咁流冷汗，因為我唔知咁樣做係咪真係得，如果唔得既話我又比人打到阿媽都唔認得架啦。

　　點呀？究竟點架？我已經緊張到唔夠膽再郁多一步啦，呢幾個大漢究竟會點架．．．等多幾秒之後，我見到既就係果啲大漢忽然無晒表情，放低左個女仔，慢慢咁走左。睇住佢地越走越遠之後，我就放心晒，然後慢慢行去個女仔度。「．．．你無事呀嘛？」毒向左走向右走可以咁夠膽講呢啲野，真係要比好大勇氣，而我都預左個女仔會恥笑我架喇。當時我心諗，「笑啦笑啦，唔笑我就驚啦。」點知，個女仔竟然粒聲都無笑過，仲眼定定望住我。「多謝先生你救返我。我叫Mandy呀。請問先生你叫咩名呢？」哦，原來佢叫Mandy．．．我睇多幾眼，見佢其實都幾靚。「先生，先生，你無野呀嘛。」哎呀望下望下失晒魂添。

12/7/2012 19:59

Google 提供的廣告

Kobaina

呢集完

　　「Mandy呀嘛，我叫阿權呀，你真係無事？」見呢個Mandy竟然對我無敵意，我就緊係懶係溫柔咁食住上啦。之後我問Mandy住邊，駛唔駛送佢返屋企，佢話唔駛啦，咁我見個天咁黑就緊唔制啦，哄多兩哄佢就比個送佢返去喇。毒向左走向右走通常都好窮，要搵架的士送人返屋企，真係好重負擔。不過算數喇，呢個機會好難得，唔可以孤寒喺呢少少錢度。Mandy原來住尖沙咀果頭，都幾高級喎。就喺呢個時候，我竟然想試多一次，之前對果四個大漢做過果件事．．．我個心好掙扎，我一邊諗，呢個Mandy都ok呀，食得過喎，另一邊，我就諗咁樣得到人地根本無意思。可惜，我最係都係按捺唔住，望住佢對眼講左呢句野。「可唔可以做我女朋友？」

　　弊啦，真係講左添，Mandy仲真係肯喎。唔通呢啲就係做主角既特權？毒向左走向右走都溝到女，我仲唔打蛇隨棍上，再問啲進取啲既先。「Mandy．．．我不如上你屋企．．．」我講既時候露出一個笑淫淫既樣。點知佢既答覆竟然係，話我地岩岩開始，唔做呢啲野。呀，係喇，套動畫我根本無乜點睇，唔記得左個魯魯修果隻控制人既眼，只可以對同一個人用一次添，早知一早就話同佢入九龍塘啦，呢鋪蝕啦。不過喺佢返屋企之前，總算攞到佢電話冧把，起碼佢話做人女友，呢啲野應該比。咁即係唔關上左我身既魯魯修事啦？目送住Mandy返屋企之後，我都返左去屋企。

　　返左去佐敦既屋企之後，我緊係即時趕返體內既魯魯修出黎喇，問佢咩事囉做咩先。「呀，魯魯修先生，頭先啲野多謝你先，不過可唔可以問下你究竟係咩事？」我見到既魯魯修就只係一個虛體，無腳只係團煙。「你唔係想脫毒，做一個型仔架咩？我依家咪幫緊你囉。好，等我慢慢講你知．．．」

　　魯魯修，你唔好玩野呀，唔係既我打到你魂飛魄散架．．．
　　(To be continued)

12/7/2012 20:01

茲伏奇大吾

唔錯,請繼續

12/7/2012 20:10

Kobaina

我不如都係專心作個足球故算喇 :-(

本身好似覺得幾正,但係作落都唔係幾吸引到人 :~(

12/7/2012 20:15

Kobaina

第二篇我作左少少...但成集未搞掂,不如我作完先慢慢出,好唔好? [sosad]

希望我唔係自問自答啦

12/7/2012 20:29

Google 提供的廣告

六連佑斗

留名

12/7/2012 20:51

Kobaina

終於有多個新巴打

12/7/2012 21:08

Kobaina

2.
　　好，我點都比你講清楚既。「阿權，以下落黎要講比你知既野，你可能會覺得好唔真實，同好無稽，但係呢個就係事實。依家喺你面前，你見到既我，其實係一種叫主角魂既野，你有幸比我睇中，即係成為左配魂者。再講少少比你知，主角魂係無處不在，你喺街度見到咁多mk仔，你估佢地真係好型？其實咪又係有主角魂附住啫。」唔係呀？啲mk仔咁騎呢都食到女，原來都只不過係因為有呢啲主角魂幫手？如果呢個係真相，對我黎講真係好突然，作為廣大毒向左走向右走既一份子，我一直都好煩惱點解班mk仔個樣又唔係特別靚，但又咁多女埋身。依家知道左個答案，除左錯愕之外，仲係半信半疑。「睇黎你仲唔係好信呢件事喎，一係咁，我呢幾日要行開一陣，三日後返，到時帶一帶你出去，你就明架啦。」魯魯修講完之後，就一陣風咁消失左，等陣先，我好似仲未應承實架喎。頂，咪就咁閃左去好喎。

　　但諗諗下，有得脫離毒向左走向右走行列喎，有咩唔好先，我都好憎mk，所以我都有返咁上下定力，唔令自己淪為搞搞震既mk。於是，三日就咁過左，好彩Mandy無call我咋。我為左等佢，今日專登請假，點知等左好耐都唔見魯魯修返黎，真係越等越唔耐煩，所以我即刻衝出去騎樓，「出黎呀你個爛鬼魯魯修！」咁大聲唔信你唔返黎！無幾耐之後一陣寒風吹左黎我塊面度。回一回神發覺魯魯修已經喺我面前出現。「駛唔駛叫到咁大聲呀阿權，等多陣唔得架咩，明明都差唔多黎到，點知都比你嚇到散晒咁。」見到佢講到咁，個身仲震晒，我都好唔好意思，所以向佢say左聲sorry。「記住喇，下次唔好再玩啲咁既野啦阿權，係喇你拎住呢塊牌先。」魯魯修將塊鍍左金既塊比左我，拎上手睇兩睇，發現塊牌寫住個「魯」字。「咦，塊野係你阿媽留比你架？」自己問完都覺得好笑，點知魯魯修就唔係咁諗，佢擺住個認真樣，同我講，話塊牌好緊要，佢走左三日都係因為要攞呢塊牌，叫我好好袋住佢，唔好整唔見。「總之我未必會成日喺你身邊，但你拎呢塊牌出黎大嗌我個名既話，我就算喺幾遠都好，都會趕過黎幫你。好喇我講過今日要同你出去，行喇。」

　　一行出街，見到魯魯修就咁半天吊浮喺我隔黎一齊行。我心諗呀你唔好玩野好無呀？想嚇死街坊咩？不過得意就係，魯魯修好似知我諗啲咩咁喎。「阿權，你唔記得左我係咩喇？我係主角魂呀嘛，只有你地呢啲配魂者先會見到我地架咋。一陣你去到啲人口稠密既地方都唔駛驚架，無人知我既存在。

12/7/2012 21:31

Kobaina

都係頂唔住出少少先

不過...
竟然出唔晒 @_@

　　一行出街，見到魯魯修就咁半天吊浮喺我隔黎一齊行。我心諗呀你唔好玩野好無呀？想嚇死街坊
咩？不過得意就係，魯魯修好似知我諗啲咩咁喎。「阿權，你唔記得左我係咩喇？我係主角魂呀嘛，只有你地呢啲配魂者先會見到我地架咋。一陣你去到啲人口稠密既地方都唔駛驚架，無人知我既存在。當然啦，仲有少數既除外啦．．．」之後魯魯修仲話佢地唔可以經常衝入配魂者既身體裏面，因為咁樣做對我地身體有好大既負荷同損害。長遠黎講仲會搞到我地短命添架喎。既然佢咁樣浮喺度，普通人又唔會見到既，咁無所謂喇。行到去地鐵站，魯魯修問我想去邊啲旺區，我細心咁諗，去返旺角好，定其他地方好呢。去旺角既話有可能撞到喺7仔做野既客同同事，但其他地方又去邊好呢？心水既地方．．．出觀塘果頭定入去大角咀果邊好呢？好難諗呀，不過觀塘果頭就好似旺啲，但係大角咀要去就比較近。「諗到未呀？去觀塘喇唔好煩啦。」睇怕我真係諗左好耐，連魯魯修都頂我唔順幫我渣主意。咁好喇，一於就出觀塘！

12/7/2012 21:32

Google 提供的廣告

Kobaina

有其他野要做,可能今晚晏d或者聽日先有 [banghead]

12/7/2012 21:33

奈奈本命

12/7/2012 21:46

Kobaina

lm

12/7/2012 22:58

Kobaina

趕到少少

　　因為我本身住佐敦，所以要去觀塘都需要返啲時間，不過係沿車當中，都唔見有可疑既人物喎，究竟係咪真係有咁多呢啲咩主角魂架。不過佢講話係帶我出去旺區睇，咁唔爭在等多陣囉。出到觀塘地鐵站之後，魯魯修首先叫我落去啲旺街睇下，咁我就同佢周圍咁喺觀塘度行喇，行左幾個字之後，發現真係有個男仔身邊，有個人浮喺佢隔黎喎。「吓？竟然係夜神．．．」睇黎果個男仔都係配魂者黎，而依附住佢既主角魂我諗魯魯修都識既。咁我就問下魯魯修識唔識佢啦。「佢咪係夜神囉，即係月呀。你唔會唔識呀？奇怪喇，上次見面，佢仲未搵到適合既人架喎，依家終於有喇？」哦，原來係夜神月．．．不過魯魯修話人地做咩，佢咪又係最近先搵到我，真係搞笑。之後作為主角魂既夜神月都好似意識到我地既存在，不過佢只係同個配魂者講左幾句之後，兩個急急腳走左，消失喺繁忙而緊密既人群之中。個夜神月走左之後，魯魯修先同我講返，今日出黎呢度其實主要目的唔係因為佢，因為魯魯修話喺觀塘見到佢其實都係意料之外既事。於是，佢叫我入返觀塘其中一個(定唯一一個，算喇我都唔知，唔係成日黎)幾旺既商場－－APM。

　　入到商場，魯魯修叫我先去一個地方，就係商場裏面既一間大型扭蛋店。去果度做乜．．．魯魯修個動畫好似都完左好耐啦喎，唔係以為仲有你啲figure扭呀？咪天真喇。嘩，你個魯魯修駛唔駛即刻黑面呀，唔通真係識讀心？好喇好喇又無話唔去。入到去之後，只係見店裏頭有好多人，不過以細路居多，魯魯修見我搵唔到個焦點，就提一提我，叫我留意一下間鋪最入果對情侶。毒向左走向右走直覺，個男仔都有啲mk味，不過好矮，咁都係唔好行咁近睇啦，從遠處觀察，只係見對男仔幫條女扭左幾部機，跌出黎既野都好合條女心意。咁都唔代表啲咩啫，個男仔好彩咋掛，又或者佢係有錢mk，可以收買間鋪個老細，叫部機入晒佢條女鍾意啲野都得既啫，唔一定有問題架喎。無幾耐之後，對情侶一袋二袋咁走左出店鋪。就喺佢地行緊出去既時候，我見到啲野．．．「喂，魯魯修，你見唔見呀，我岩岩見到有個黃色頭髮男喺個男仔身上出返黎。你見唔到先？係喇，果個好似係鋼鍊個愛德華黎架喎。」魯魯修叫我追出去，睇下當中有咩變化。亞太區有一天成為亞太區崩鼻咁出去，四周圍望，見到既係喺遠處有一名高大既男仔拖住個女仔行緊街，而佢旁邊既就係愛德華！

　　等陣先，咁佢條女唔

13/7/2012 0:15

Google 提供的廣告

Kobaina

又出唔晒

　　等陣先，咁佢條女唔驚架咩，個男朋友時高時矮喎，真係好唔明呀。究竟點解會變成咁架？「吓？你仲未明呀？阿權呀，佢好明顯係配魂者啦，至於個女仔點解唔驚啦喎。一係佢本身都係配魂者，一係就個男仔已經講晒一切比佢知，有時有啲野唔駛諗得咁明白架。」咁樣既話，我明點解佢扭咁多個扭蛋出黎都咁岩條女心水啦，應該就係因為愛德華附左喺佢身體入面，幫佢將扭蛋入面既野煉成左佢女友想要既野，無錯應該就係咁。不過我都好想知道究竟做配魂者係有咩用途。問左魯魯修意見之後，佢比我行多一陣觀塘。就係行街既途中，我收到Mandy既電話。「阿權，方唔方便出黎呀？」我就緊係方便啦，女友約到無理由拒絕。就係咁我地約左喺旺角見面。魯魯修知道之後即刻比說話我聽，要潤我。「吓？旺角，你唔係好唔想去旺角，覺得好唔方便架咩？」Hi Hi．．．睇黎呢隻野真係識讀心架喎。今次我點都唔理個魯魯修點諗架啦，話晒都係女友出面約我。出到旺角之後，見到Mandy喺度等我，佢仲打扮得好示正添，真係越睇越吸引，睇黎當初既決定真係無錯。跟住Mandy佢話想睇戲，咁我咪陪佢睇囉。點知入到戲院先知依家啲戲飛好貴，我諗係因為啲3d片當道掛，唉成日咁毒唔睇下戲，真係呢啲潮流都脫晒節。咁點算好呢，啲飛真係好貴喎。有喇，搵魯魯修幫手咪得囉。我細細聲咁叫佢入我身體，佢有問我原因，但無追問。於是我都無理佢，叫佢入左黎先算。

13/7/2012 0:16

Kobaina

13/7/2012 0:26

Kobaina

用咁多動漫角色都係吸引唔到人...
最重要係標題都有甜...個人唔鍾意有甜份,不過都係就下大眾口味
唉,不過都好似唔WORK咁 :o)

13/7/2012 0:29

茲伏奇大吾

喂,仲睇緊架,唔好唔作 #ng#

13/7/2012 0:44

Google 提供的廣告

Kobaina

喂,仲睇緊架,唔好唔作

作到就作

都無咩人睇

13/7/2012 7:27

茲伏奇大吾

幫推

13/7/2012 9:35

獨與宅

返緊工都推

13/7/2012 10:04

Kobaina

Thx bro

Btw噏test

13/7/2012 10:20

Google 提供的廣告

Ti_amo

公司留名

13/7/2012 10:56

跳至第頁

» 高登主頁 » 講故台

快速回覆 - 輸入以下項目

本討論區現只接受會員張貼文章，本站會員請先登入。非會員人仕，您可以按此加入為新會員，費用全免，並可享用其他會員服務。